Rijksrecherche (Reshèrshi di Reino)

Rijksrecherche pa Hulanda Karibense

Rijksrecherche ta para pa un gobiernu honestu. Rijksrecherche ta representá den Hulanda Karibense tambe, esta Boneiru, Statia i Saba (islanan BES). For di Boneiru Rijksrecherche ta investigá di forma neutral echonan (posiblemente) kastigabel kometí dor di (semi) amtenar.

Trabao di Rijksrecherche ta kai bou di autoridat di Procureur-General di Kòrsou, Sint Maarten i islanan BES. Den otro pais di Reino rechèrchinan lokal ta responsabel pa ehersé e tarea aki. Kaminda ta posibel rechèrchinan di pais i Rijksrecherche ta traha huntu riba nivel operashonal i di maneho pa por aktua efektivamente.

Rijksrecherche ta para pa un gobiernu honestu. E tarea di mas importante di Rijksrecherche ta pa detektá i investigá komportamientu (posiblemente) kastigabel door di funshonarionan di gobiernu. Rijksrecherche ta kai direktamente bou di responsabilidat di Kolegio di Procureur-General. Di e forma aki Rijksrecherche ta interpretá e rol di instansia neutral ku ta investigá komportashon (posiblemente) kastigabel dentro di gobiernu. Esei ta nifika ku Rijksrecherche no ta forma parti di otro instansia di detekshon, ni di polis.

Rijksrecherche pa Hulanda Karibense

Sifra, rapòrt i foyeto

Reshèrshinan ku eksperiensia ta traha na Rijksrecherche i nan ta risibi sosten for di departamentu di staf i e departamentu  operashonal. Nan ta traha for di kuater lugá na Hulanda, esta Amsterdam, Den Haag, Zwolle i Den Bosch. E ofisina prinsipal ta na Den Haag. Den Hulanda Karibense (ku ta konsisti di Boneiru, Statia i Saba (o sea islanan BES), Rijksrecherche tambe tin un ofisina na Kralendijk, Boneiru.

Kiko Rijksrecherche ta hasi?

Rijksrecherche ta hunga un ròl importante den detekshon i investigashon di korupshon dor di empleado públiko. Si bo ta un àmbtenar, direktor o representante di pueblo bo por stimulá o kibra konfiansa di e suidadano. Pesei ta importante pa nan aktua ku integridat i diligensia na tur momento. Ora tin (un sospecho di) komportashon kastigabel  den gobièrnu Rijksrecherche por kuminsa un investigashon riba enkargo di Komishon Kordinashon Rijksrecherche (Coördinatie Commissie Rijksrecherche (CCR)) despues di petishon dor di fiskal mayó.

Ta trata por ehempel di investigashon di korupshon, lèkmentu di informashon, fraude o violashon di e deber di konfidensialidat dor di amtenar. Ademas di hasi investigashon, mas i mas Rijksrecherche tambe ta usa su abilidatnan pa komparti konosementu ku gobiernunan, di moda ku directornan por traha riba prevenshon di violashon di integridat i resistensia general den gobièrnu.

Otro tarea importante di Rijksrecherche ta hasi investigashon kriminal den kasonan di violensia grave kometí dor di funshonarionan di polis i otro funshonarionan di gobiernu ku tarea polisial. Un ehèmpel ta investigashon kaminda amtenar detektivo a hasi uso di un arma di kandela durante su funshon i a tira hende ku bala. Rijksrecherche tambe ta hasi investigashon ora un persona muri den sèl di polis. Pa tur partido involví ta di importansia ku e investigashon ta wordu hasi di un manera independiente i neutral: pa víktima i famia na luto sa eksaktamente kiko a pasa, pero tambe pa e funshionario di polis sa si e la aktua di forma legítimo.

Finalmente, Rijksrecherche ta hanja petishon pa hasi sierto investigashon dor di nan abilidatnan speshal o pa motibu di relashon delikado ku ta hunga un rol den un kaso.

Indikashon di tarea di Rijksrecherche i na ki momentu ta aktua.

Neutral

Dor di su status neutral, Rijksrecherche por hasi su trabou diligentemente i ophetivamente. Meta di Rijksrecherche ta duna un kontribushon importante pa sigurá integridat di gobiernu i asina kontribuí tambe na konfiansa di suidadano den gobièrnu.

Ora di ehersé su tareanan, Rijksrecherche ta apliká e siguiente puntunan prinsipal:

Hasi investigashon neutral i diligente

E enfoke di Rijksrecherche ta pa detektá krimen kometí dor di (semi) amtenar. Den tur su investigashonan, neutralidat, diligensia i distansia ta kriterionan importante. Rijksrecherche ta hasi trabou objetivo i di kalidat haltu.

Koperashon i fortalisashon di posishon di informashon

Kaminda ta posibel Rijksrecherche ta traha huntu ku partner di kadena, manera Polis Nashonal, Polis Militar, Servisio di Informashon i Detekshon Impuesto, servisionan di detekshon speshal, autoridat di konsumidó i merkado, i instansianan finansiero, tanto na nivel operashonal komo na nivel di maneho. Investigashon dor di Rijksrecherche semper mester wordu hasí di forma ophetivo, neutral i diligente. Esei kemèn ku koperashon ta posibel solamente si e metanan aki no ta kore peliger.

Na ki momento Rijksrecherche ta aktua?

No ta tur investigashon di krimen kometí dor di (semi) amtenar ta wordu hasi dor di Rijksrecherche. Tin un par di kriterio pa nan aktua:

Investigashon dor di Rijksrecherche ta dirigí riba funshonarionan den servisio di (semi) gobiernu;

Investigashon dor di Rijksrecherche ta dirigí riba krimen posiblemente kometí ku  probablemente lo por perhudiká integridat di gobiernu Hulandes;

Ta hasi uso di Rijksrecherche si e investigashon no mester ta neutral so pero tambe ku den e investigashon tur apariensia di parshalidat mester wordu evitá;

Ta deseabel pa hasi uso di Rijksrecherche pa kasonan kaminda mester di su abilidatnan speshal o kasonan kaminda e relashonan ta delikado.

Na momentu ku ta kumpli ku un o mas di e kriterionan aki esei no kermen automatikamente ku Rijksrecherche lo aktua. Pa kada kaso e Komishon Kordinashon Rijksrecherche ta disidí si ta nesesario pa Rijksrecherche aktua. E komishon aki ta kai bou di presidensia di Prokurador-general di Ministerio Públiko.